Երևանի թիվ 110 մանկապարտեզի նախկին տնօրենից կբռնագանձվի 130 մլն դրամ, անշարժ գույք ու ավտոմեքենա

Հակակոռուպցիոն դատարանը վարույթ է ընդունել Գլխավոր դատախազության հայցը՝ «Երևանի թիվ 110 մանկապարտեզ» ՀՈԱԿ-ի նախկին տնօրեն Արմինե Հայրապետյանից և նրա հետ փոխկապակցված անձանցից ապօրինի ծագում ունեցող գույք բռնագանձելու վերաբերյալ։

Դատախազությունը պահանջում է Հայաստանի Հանրապետության օգտին բռնագանձել 1 անշարժ գույք, 1 տրանսպորտային միջոց, ինչպես նաև ընդհանուր շուրջ 129 մլն դրամ։

Գումարից 51 մլն 544 հազար դրամը ներկայացվում է որպես ապօրինի դրամական միջոցների մնացորդ, իսկ 77 մլն 551 հազար դրամը՝ որպես անձի օրինական եկամուտներով չհիմնավորվող և ապօրինի ծագում ունեցող միջոցներ։