Բռնության են ենթարկել զինծառայողի․ ՄԻՊ-ը ահազանգում է

Հայաստանի մարդու իրավունքների պաշտպանի աշխատակազմը ահազանգ է ստացել զինծառայողի նկատմամբ ենթադրյալ բռնության դեպքի վերաբերյալ։

ՄԻՊ ներկայացուցիչներն օպերատիվ այցելել են համապատասխան զորամաս, որտեղ զրուցել են զինծառայողների, այդ թվում՝ այն զինծառայողի հետ, որի վերաբերյալ ստացվել էր ահազանգը։

Մարդու իրավունքների պաշտպան Անահիտ Մանասյանն ընդգծել է, որ բանակում բռնության և կանոնադրական հարաբերություններին չհամապատասխանող ցանկացած դրսևորում անթույլատրելի է։ Նա իրավասու մարմիններից պահանջել է իրականացնել ներքին քննություն, իսկ համապատասխան հիմքերի առկայության դեպքում՝ դեպքի համակողմանի քննություն։

ՄԻՊ-ը նշել է, որ իրականացված քննության արդյունքների մասին պետք է տեղեկացվի հանրությունը։