Ենթակայանի խոշոր հրդեհի պատճառները կստուգվեն․ հաղորդում է ներկայացվել հնարավոր հանցակազմի վերաբերյալ

Ռոմանոս Պետրոսյանի խոսքով՝ ենթակայանում տեղի ունեցած խոշոր հրդեհի դեպքով հաղորդում է ներկայացվել՝ հնարավոր հանցակազմի առկայությունը ստուգելու նպատակով։

Նրա փոխանցմամբ՝ մասնագետների համոզմամբ՝ նման ենթակայանում այս մասշտաբի հրդեհ չպետք է տեղի ունենար, սակայն որևէ վարկած չեն բացառում։

Հրդեհը մարելուց հետո ենթակայանում կիրականացվի փորձաքննություն։ Եթե պարզվի, որ այն պիտանի է հետագա շահագործման համար, ենթակայանը կվերակառուցվի, իսկ հակառակ դեպքում՝ տարածքում կկառուցվի նույն հզորության նոր ենթակայան։

Պետրոսյանի խոսքով՝ Երևանի քաղաքապետարանի հետ քննարկումներ են ընթանում նաև Մոնթե Մելքոնյան մայրուղու շրջակայքում հողատարածք ձեռք բերելու և այնտեղ բարձր լարման խոշոր, ժամանակակից ենթակայան կառուցելու ուղղությամբ։