515 հա հողատարածքների աճուրդներն անվավեր են ճանաչվել․ դատախազությունը ներկայացրել էր հայց

Հակակոռուպցիոն դատարանը բավարարել է Գլխավոր դատախազության հայցը՝ անվավեր ճանաչելով Արարատի մարզի Վեդի խոշորացված համայնքի (Գոռավան համայնք) 515 հա ընդհանուր մակերեսով հողատարածքների աճուրդները։

Դատախազությունը հայց էր ներկայացրել 2024 թվականի դեկտեմբերի 2-ին՝ պահանջելով անվավեր ճանաչել աճուրդները և կիրառել անվավերության հետևանքները։

Դատարանի՝ 2026 թվականի սեպտեմբերի 23-ի վճռով անվավեր են ճանաչվել ընդհանուր 515 հա մակերեսով և 37 մլն 31 հազար դրամ կադաստրային արժեքով 11 հողատարածքների աճուրդները։

Վճիռն օրինական ուժի մեջ մտնելուց հետո Դատախազությունը կդիմի Կադաստրի կոմիտե՝ հողատարածքների նկատմամբ Վեդի համայնքի սեփականության իրավունքը գրանցելու համար։