Հարավային Օսիայում իրավիճակը կրկին սրվել է

Հարավային Օսիայի խորհրդարանը երկրի քաղաքացիներին հնազանդության և անօրինական գործողություններ չսկսելու, ինչպես նաև ընդդիմության առաջնորդ Ալլա Ջիոևայի սադրանքներին չտրվելու կոչ է արել։

Երկրում իրավիճակը սրվել է այն բանից հետո, երբ ընդդիմության առաջնորդն անցյալ տարվա դեկտեմբերի 9–ին Հարավային Օսիայի նախագահ Էդուարդ Կոկոյտիի հետ ընդհանուր փոխհամաձայնության գալուց հետո, նորից իշխանությունը խաղաղ ճանապարհով իրեն հանձնելու ստորագրահավաք էր սկսել, հաղորդում է Ռիա նովոստին։

Ջիոևան իրեն հայտարարում է՝ իբրև Հարավային Օսիայի ընտրված նախագահ և փետրվարի 10-ն իր երդմնակալության օր է հայտարարել։ Ըստ նրա՝ իր այդ որոշումը պայմանավորված է երկրի իշխանությունների կողմից ընդդիմության պահանջները չկատարելու հետ։   

Հիշեցնենք, որ մարտի 25–ին Հարավային Օսիայում նախագահական նոր ընտրություններ են անցկացվելու։