Մեծ Բրիտանիայի նորանշանակ դեսպան Քեթրին Ջեյն Լիչն այցելել է ՀՀ Մարդու իրավունքների պաշտպանին

Կարևորելով Պաշտպանի գրասենյակի դերակատարումը երկրում մարդու իրավունքների պաշտպանության և ընտրական գործընթացներում` այսօր Միավորված թագավորության նորանշանակ դեսպան Քեթրին Ջեյն Լիչը հանդիպել է ՀՀ Մարդու իրավունքների պաշտպան Կարեն Անդրեասյանի հետ:

Հանդիպման ընթացքում քննարկվել են մարդու իրավունքների պաշտպանության և խթանման վերաբերյալ մի շարք հարցեր, ինչպես նաև առաջիկա խորհրդարանական ընտրությունները և Պաշտպանի գրասենյակի ներգրավվածությունը ընտրական գործընթացներում:

Հանդիպման վերջում մասնակիցները կարևորեցին երկկողմ կապերի ամրապնդումը և փոխանակվեցին համագործակցության կոնկրետ առաջարկներով, որոնք կքննարկվեն ապագայում: