«Հայաստանն ու Ադրբեջանն առանց Ռուսաստանի չեն կարող կարգավորել Ղարաբաղի հարցը». Վլադիմիր Ժիրինովսկի

Ռուսաստանի Լիբերալ–դեմոկրատական կուսակցության նախագահ Վլադիմիր Ժիրինովսկին հայտարարել է, որ Ադրբեջանը եւ Հայաստանը առանց Ռուսաստանի ցանկության չեն կարող լուծել Ղարաբաղյան հակամարտությունը, «այնպես, որ նրանք պետք է Ռուսաստանին միանան՝ որպես Անդրկովկասյան դաշնային տարածաշրջան։ APA լրատվական գործակալությանը տված հարցազրույցում նա նշել է, որ այդ դաշնային շրջանի ղեկավար կազմը պետք է լինեն ադրբեջանցիներ, իսկ տեղակալների կազմը պետք է լինեն հայեր։

«Եթե Ադրբեջանն ու Հայաստանը չհամաձայնեն այս առաջարկին, ապա Ռուսաստանը կճանաչի Ղարաբաղի անկախությունը, ինչպես նաև կճանաչի Հարավային Օսիայի եւ Աբխազիայի անկախությունը», - ասել է նա։

Ժիրինովսկին հայտարարել է, որ Ռուսաստանը չի ճանաչում Ադրբեջանի տարածքային ամբողջականությունը։ «Մենք չենք ճանաչում Ադրբեջանի տարածքային ամբողջականությունը: Եթե դա մենք ճանաչենք, ուրեմն Հայաստանի հետ մեր հարաբերությունները կվատթարանան։ Ռուսաստանի համար Հայաստանը Թուրքիայի վրա ճնշում գործադրելու միջոց է, իսկ Ադրբեջանին խանգարում է Թուրքիան։ Եթե դա չխանգարեր Թուրքիային, ապա Ղարաբաղյան հակամարտությունն արդեն լուծված կլիներ։ Թուրքիան մեծ երկիր է, որը նաև ՆԱՏՕ–ի անդամ է եւ ունի մեծ բանակ։ Հայաստանը պաշտպանում է Թուրքիայի հետ մեր ընդհանուր սահմանը։ Այդ իսկ պատճառով Հայաստանը մեզ պետք է», – նշել է Ժիրինովսկին։