Ջիոևան բուժումը կշարունակի Ռուսաստանում

Հարավային Օսիայի նախագահի նախկին թեկնածու Ալլա Ջիոևայի վիճակը բժիշկները կայուն ծանր են գնահատում, այս մասին Интерфакс-ին  հաղորդել են Ցխինվալիի հանրապետական հիվանդանոցի վերակենդանացման բաժանմունքի բժիշկները։

Լրատվական գործակալությանը բժիշկները տեղեկացրել են, որ «նրա գիտակցությունը վերականգնվել է, անհրաժեշտ բժշկական օգնություն է ցույց տրվում, նրա մոտ է գտնվում ամուսինը»։ Վերջիններիս հաղորդմամբ այս պահին քննարկվում է Ջիոևայի հետագա բուժումը Ռուսաստանում շարունակելու հարցը։  

Ոստիկանության աշխատակիցներն ընդդիմության առաջնորդի սենյակի մոտ հսկողություն են սահմանում։  

Հիշեցնենք, որ երեկ հատուկջոկատայինները գրոհել էին Ջիոևայի գրասենյակը, ինչից հետո վերջինս հայտնվել էր հիվանդանոցում։