Նախագահի նախկին թեկնածուն կրկին կորցրել է գիտակցությունը

Հարավային Օսիայի նախագահի նախկին թեկնածու, ընդդիմության առաջնորդ Ալլա Ջիոևան նորից գիտակցությունը կորցրել է և գտնվում է ծանր վիճակում, այս մասին Интерфакс-ին հաղորդել է Ջիոևայի մամլո քարտուղար Վիոլետա Դասաևան։ 

Ըստ մամլո քարտուղարի՝ ընդդիմության առաջնորդի նախընտրական շտաբի վրա հարձակման ժամանակ Ջիոևան, նրա ամուսինը և եղբայրը ծեծի են ենթարկվել ոստիկանության հատուկ ջոկատայինների կողմից։ Բացի այդ, անվտանգության ուժերի աշխատակիցները գրասենյակից տարել են համակարգիչը և փաստաթղթեր։ 

Հիշեցնենք, որ նույն աղբյուրի հաղորդմամբ՝ Ջիոևան ուրբաթ առավոտյան գիտակցության էր եկել և բողոքել էր մարմնի ցավից։