Ռուսաստանի հատուկ ծառայություններն են Ալլա Ջիոևայի վրա հարձակում գործել. «Московский комсомолец»

Հարավային Օսիայի անվտանգության ուժերը հերքում են նախագահի նախկին թեկնածու ընդդիմության առաջնորդ Ալլա Ջիոևայի նկատմամբ բռնություն կիրառելը։ Սակայն, իրականում դա այնքան էլ կարեւոր չէ, թե Ջիոևան գիտակցությունը ինչից է կորցրել՝ թիկունքից ստացած հարվածից, թե՞ գլխուղեղի կաթվածը ստացել է լարվածությունից, երբ մինչև ատամները զինված հատուկ ջոկատայինները փորձել են ուժով նրան դուրս հանել նախընտրական շտաբից։ «Չնայած որ այնքան էլ կարևոր չէ, թե հատուկ ջոկատայինները, որ ուժային կառույցին են պատկանել, նշվում է, որ նրանք Ռուսաստանի անվտանգության ուժերի հատուկ նշանակության ջոկատայիններ են, քանի որ օսեթական մենթալիտետից դուրս է կնոջ վրա ձեռք բարձրացնելը», – հաղորդում է «Московский комсомолец» թերթը։ 

Հիշեցնենք, որ անցյալ տարի աշնանը Հարավային Օսիայում անցկացված նախագահական ընտրությունների երկու փուլերի արդյունքում հաղթանակ էր տարել ընդդիմության թեկնածու Ալլա Ջիոևան, սակայն գլխավոր դատախազությունն անվավեր էր ճանաչել ընտրությունների արդյունքները և մարտի 25–ին նախագահական նոր ընտրությունների անցկացման օր նշանակել։ Սակայն ընդդիմության առաջնորդը և նրա կողմնակիցները չէին ընդունել այդ որոշումը և իրենց թեկնածուին հռչակել ընտրված նախագահ։ Փետրվարի 10–ին Ջիոևան, որպես նորընտիր նախագահ, երդմնակալության օր էր նշանակել, սակայն նախօրեին՝ գիշերը, հատուկ ջոկատայինների գործողությունների պատճառով վերջինիս անգիտակից վիճակում տեղափոխել են հիվանդանոց։