Ադրբեջանում լրտեսական գործողությունների ակտիվությունը բացատրվում է Ռուսաստանի, Արևմուտքի և Իրանի շահերի բախումով. The Times

Բրիտանական «The Times» պարբերականը երկուշաբթի այդ թեմայով երեք հոդված է հրապարակել, որոնցից մեկում, որը վերնագրված է «Խաղ, որում յուրաքանչյուրն ինչ–որ բան ունի կորցնելու», նշվում է, որ Անդրկովկասյան տարածաշրջանի երկրներում Ռուսաստանի, Թուրքիայի և Իրանի կողմից անդրկուլիսային իրադարձություններ են զարգանում տարածաշրջանի երկրների վրա ազդեցության մեծացմանն ուղղված։

Հոդվածագիրը նշում է այդ երեք երկրների, ինչպես նաև ԱՄՆ–ի ու Իսրայելի կողմից Ադրբեջանի նկատմամբ աճող հետաքրքրությունը պայմանավորված է ԱՄՆ–ի և Իրանի միջև լարվածությամբ, որի պատճառով իսրայելական «Mossad» հետախուզական ծառայության գործակալները Կովկասի երկրների միջոցով փորձում են Իրանի վերաբերյալ տեղեկատվություն ստանալ։ Նման հանգամանքներում, Ադրբեջանի իշխանությունները պետք է հավասարակշռեն այդ երկրների շահերը տարածաշրջանում։

Նույն պարբերականի «Լրտեսն ընդդեմ լրտեսի. նոր խաղադաշտում գաղտնի պատերազմներ հատուկ ծառայությունների համար» վերնագրով հոդվածում նշվում է, որ Իրանի և Ադրբեջանի հարաբերություններն աստիճանաբար կվատթարանան։ Իլհամ Ալիևի իշխանությունը դժգոհ է Իրան–Հայաստան սերտ հարաբերություններից։ Բացի այդ, Ադրբեջանի իշխանությունները մտահոգված են, որ Իրանը կարող է խրախուսել իսլամիզմը։ Միևնույն ժամանակ, Բաքվում մտավախություններ կան, որ Արևմուտքի կողմից Իրանի դեմ հնարավոր հարձակման դեպքում իրանցի փախստականների ակտիվ ներհոսք կլինի Ադրբեջան, որն անխուսափելիորեն կապակայունացնի Ադրբեջանը։

Ռուսաստանն, իր հերթին, նույնպես իրանցի փախստականների ներհոսք է կանխատեսում իր երկիր՝ ձգտելով Ադրբեջանում գործող իր գործակալների միջոցով որքան հնարավոր է արագ տեղեկանալ ԱՄՆ–ի և Իսրայելի մտադրությունների մասին։ Ըստ «Times»–ի Ռուսաստանը, վերջին տարիներին ԱՄՆ–ն և Եվրոպան Գաբալայի ռադիոլոկացիոն կայանն օգտագործում են Իրանի դեմ լրտեսական նպատակներով։ Նշվում է, որ պարբերականին ադրբեջանցի պաշտոնյաները տեղեկացրել են, որ Վաշինգտոնն Ադրբեջանում նույնպես կառուցել է երկու խոշոր լրտեսական կայաններ, որոնցից մեկը տեղակայված է հարավային շրջանում Իրանի դեմ լրտեսության նպատակով, իսկ մյուսը տեղակայված է հյուսիսային շրջանում՝ Ռուսաստանի դեմ լրտեսության նպատակով, հաղորդում է NEWSru.com–ը։ 

Հիշեցնենք, որ վերջին օրերին Ադրբեջանում ձերբակալվել են մի քանի օտարերկրյացիներ, որոնք մեղադրվում են Իրանի դեմ լրտեսություն իրականացնելու մեջ։