Սեւադա Արզումանյան. «Չեմպիոնի տիտղոսը «Ուլիս»-ը նվաճեց սուր մրցակցության պայմաններում»

Երեւանի «Ուլիս»-ը չեմպիոնի իր տիտղոսը նվաճեց սուր մրցակցության պայմաններում1 առաջին անգամ դառնալով Հայաստանի լավագույն թիմը եւ այժմ պետք է մտածի այս կոչման պահպանման մասին:

Այս մասին «Արմենպրես»-ի հետ զրույցում նշել է «Ուլիս»-ի գլխավոր մարզիչ Սեւադա Արզումանյանը` նկատելով, որ Հայաստանի առաջնությանը մասնակցող բոլոր թիմերն էլ ցանկանում էին հաղթանակ տանել:

Սեւադա Արզումանի խոսքով` Հայաստանի առաջնության մրցաշարում հաղթողին կանխագուշակել հնարավոր չէր. նման մրցակցության դեպքում դա չի կարող լինել, իսկ 2011 թվականի ՀՀ ֆուտբոլի առաջնության վերջնական վերլուծությունը կարելի է անել միայն մրցաշարի վերջին փուլից հետո:

Պատասխանելով թիմի հետագա ծրագրերի մասին հարցին` Ս. Արզումանյանը նշեց, որ առայժմ «Ուլիս»-ը չի զբաղվում 2012 թվականի ուսումնամարզական հավաքների վայրերի եւ ժամկետների որոշմամբ, Եվրոպայի չեմպիոնների լիգայի մրցաշարին առաջին անգամ մասնակցելու հարցերով: Նա դա կանի ՀՀ ֆուտբոլի առաջնության ավարտից հետո միայն: