Աբխազիայի նախագահին սպանելու փորձը չի հաջողվել

Աբխազիայի նախագահ Ալեքսանդր Անկվաբը այսօր առավոտյան հարձակման է ենթարկվել, ինչի պատճառով ծանր վիրավորվել են նրա երկու թիկնապահները։ Այս մասին հաղորդում է Интерфакс–ը՝ վկայակոչելով Աբխազիայի իրավապահ մարմինների տարածած հաղորդագրությունը։

«Նախագահի ավտոմեքենայի ուղղությամբ կրակել են անհայտ անձինք։ Երկրի նախագահը չի տուժել, սակայն ծանր վիրավորվել են նրա երկու թիկնապահները», – նշված է հաղորդագրությունում։

Անկվաբի ավտոմեքենայի ուղղությամբ կրակել են Գուդաուտա քաղաքում, որտեղից նախագահը գնալիս է եղել մայրաքաղաք Սուխումիի իր աշխատավայր։