Բակո Սահակյանը դատապարտում է Աբխազիայի նախագահի դեմ իրականացված մահափորձը

Լեռնային Ղարաբաղի Հանրապետության նախագահ Բակո Սահակյանը հեռագիր է հղել Աբխազիայի նախագահ Ալեքսանդր Անկվաբին՝ դատապարտելով նրա դեմ փետրվարի 22-ին իրականացված մահափորձը:

«Հարգարժան Ալեքսանդր Զոլոտինսկի,

Խորապես վրդովված եմ Ձեր' Աբխազիայի Հանրապետության նախագահի դեմ կատարված մահափորձի մասին լուրից:
Այդ հրեշավոր հանցագործությունն իրականացնողները, որն ըստ էության հանդիսանում է ոտնձգություն Աբխազիայի Հանրապետության պետականության դեմ եւ ուղղված է հանրապետությունում իրավիճակի ապակայունացմանը, արժանի են ամենախիստ պատժի:

Լեռնային Ղարաբաղի Հանրապետության ժողովուրդն ու իշխանությունները վճռականորեն դատապարտում են այդ աղաղակող ահաբեկչական գործողությունը եւ համերաշխություն ու աջակցություն հայտնում Ձեզ եւ եղբայրական Աբխազիայի ժողովրդին»,-ասված է հեռագրում։ 

Հիշեցնենք, որ փետրվարի 22-ին Աբխազիայի նախագահ Ալեքսանդր Անկվաբը հարձակման էր ենթարկվել անհայտ անձանց կողմից, ինչի հետևանքով ծանր վիրավորվել էին նրա երկու թիկնապահները։ Անկվաբը հարձակման պատճառով չէր տուժել։