Հարավային Օսիայի նախագահի թեկնածուներից մեկը հրաժարվել է ընտրություններին մասնակցելուց

Հարավային Օսիայի նախագահի թեկնածուներից մեկը՝ խորհրդարանի նախկին խոսնակ Տարզան Կոկոյտին, երկրի Կենտրոնական ընտրական հանձնաժողովին է դիմել՝ տեղեկացնելով հետագա ընտրապայքարից հրաժարվելու որոշման մասին, հաղորդում է Интерфакс–ը։

Հարավային Օսիայի ԿԸՀ նախագահը հայտնել է, որ թեկնածուն այդ մասին իրազեկել է այսօր։

«Սա իմ անձնական որոշումն է։ Ես երկար մտածել և որոշում եմ կայացրել նախընտրական պայքարից դուրս գալու վերաբերյալ, որովհետեւ, իմ կարծիքով, այդ մրցավազքին իմ մասնակցությունն աննպատակահարմար եմ համարում», – ասել է Կոկոյտին լրագրողների հետ հանդիպման ժամանակ։

Օսիայի նախագահական ընտրություններին գրանցված թեկնածուների վերջնական ցուցակը ԿԸՀ–ն կհրապարակի փետրվարի 29–ին։

Հիշեցնենք, որ Հարավային Օսիայի նախագահական ընտրությունները տեղի են ունենալու մարտի 25–ին։