«Թանկից էժանը չկա»

Հայաստանի հիվանդանոցներում կոռուպցիայի դեպքերը բազմաթիվ են, սկայն քիչ չեն դեպքերը, երբ առկա իրավիճակին որևէ որակում տալ չես կարող, դժվար է ասել, կոռուպցայի տարր է, թե ի՞նչ։

Այդպիսի օրինակներից է բժիշկների նշանակած դեղերը, որոնք, որպես կանոն, որոշ բժիշկների մոտ միշտ կոնկրետ դեղատնից պետք է գնել, կամ կոնկրետ դեղորայք, որն արժե լավագույն դեպքում 100 դոլարին համարժեք դրամ։ Այսդպիսի օրինակ է ԴեղԸտուն դեղատների ցանցը, որն ակտիվորեն համագործակցում է  տարբեր բուժհաստատությունների բժիշկների հետ ու արագորեն վաճառում իր թանկարժեք դեղերը։ Ավելի կոնկերտ օրինակ բերենք՝ պատկերը համոզիչ դարձնելու համար։

Վիրահատված մի հիվանդ հետվիրահատական շրջանում ստանում է գաստրոէնտերոկոլիտ, այլ կերպ ասած՝ դիսբակտերիոզ։ Գիտենք, որ դիսբակտերիոզի բուժման համար կան բազմաթիվ մատչելի դեղեր, որոնք 5–6 հազար դրամի սահմանը չեն անցնում, բայց ոչ, այդ հիվանդի բժիշկն ասում է, որ իրեն միայն MegaEl–ը կօգնի, դա ամերիկական դեղ է ու շատ էֆեկտիվ։ Ապա տալիս է հիվանդին զեղչի կտրոն և ուղարկում է ԴեղԸտուն դեղատների ցանցի որևէ կետ ու ոգևորված հիվանդը գնում է այդ դեղատուն, որտեղ միայն պարզում է, որ անգամ զեղչի կտրոնն օգտագործելու դեպքում դեռ 29 հազար դրամ էլ վճարելու է իր երեք օրվա դեղերի համար։ Իսկ բժիշկը գրպանն է դնում իր հասանելի գումարն այդ դեղի գնից։ Ահա պատկերը։

 Lurer.com–ը փորձեց ճշտել այսպիսի դեպքերի պատժելիության սահմանը։ Առողջապահության նախարարությունից հնչում է դասական պատասխան. «Մենք գրավոր բողոքներ չունենք, դրա համար չենք կարող ղեկավարել իրավիճակը»։