Ալիևը Ղուբայի շրջանի գործող իշխանությունների ղեկավարին պաշտոնանկ է արել

Ալիևը Ղուբայի շրջանի գործող իշխանությունների ղեկավար Ռաուֆ Հաբիբովին ազատել է զբաղեցրած պաշտոնից, հաղորդում է 1news.az-ը։

Հիշեցնենք, որ երեկ ավելի քան 10 հազար մարդ է հավաքվել Բաքվից 170 կմ հեռավորության վրա գտնվող Ղուբա քաղաքի գործադիր իշխանության շենքի մոտ՝ բողոքելով շրջանի ղեկավար Ռաուֆ Հաբիբովի արտահայտած մտքերի դեմ։

Քաղաքացիներին վիրավորել է Հաբիբովի այն հայտարարությունը, թե իրենք «ծախել են իրենց շրջանն ու սեփական անձը»։ Ոչ պաշտոնական տվյալներով՝ ցուցարարները գրավել են գործադիր իշխանության շենքը, ինչից հետո քաղաք են մտցվել զորքեր։ Ոստիկանության կողմից արցունքաբեր գազ կիրառելուց հետո բախումներ են սկսվել իրավապահների ու ցուցարարների միջև. վերջիններս սկսել են պահանջել Հաբիբովի հրաժարականը։ Ցուցարարները նաև հարձակվել են Հաբիբովի տան վրա և այրել այն։