Աբխազիայում անցկացված ընտրությունները համարվել են կայացած

Աբխազիայում տեղի ունեցած խորհրդարանական ընտրությունները համարվել են կայացած, քանի որ ընտրողների մասնակցության ցուցանիշն արդեն իսկ անցել է 25 տոկոսը, հայտնում է «Ինտերֆաքս»–ը՝ հղում կատարելով Աբխազիայի Կենտրոնական ընտրական հանձնաժողովի նախագահ Բատալա Տապագուային։

Վերջինիս խոսքերով՝ Մոսկվայի ժամանակով ժամը 15.00-ի դրությամբ, ընտրություններին ընտրողների մասնակցությունը կազմել է 29.25 տոկոս, այն դեպքում, որ, ըստ օրենքի, ընտրությունները համարվում են կայացած, եթե դրանց մասնակցում են գրանցված ընտրազանգվածի 25 տոկոսից ավելին։

Աբխազական խորհրդարանի 35 մանդատի համար պայքարում են 148 թեկնածուներ, որոնցից 114–ն առաջադրվել են քաղաքացիական նախաձեռնությունների կողմից, իսկ 34-ը՝ քաղաքական կուսակցությունների։