Ադրբեջանը և Թուրքիան կհամագործակցեն տանկաշինության ոլորտում

Ադրբեջանը Թուրքիայի հետ բանակցություններ է վարում համատեղ տանկեր արտադրելու շուրջ։ Ինչպես հաղորդում է 1news.az-ը, խոսքը գնում է երրորդ սերնդի ռազմական տանկերի՝ թուրքական Altay տանկի մասին։ Բացի դրանից, Ադրբեջանը հետաքրքրություն է դրսևորում Kasirga TR-300 հռթիռների, Pars, Kirpi, Аrma և այլ զրահապատ մեքենաների նկատմամբ։

Altay նախագիծը մշակվել է հարավկորեական Hyundai rotem և թուրքական Otokar ընկերությունների կողմից։ Նոր նախագծի համար հիմք է ծառայել հարավկորեական ХК-2 Black panter տանկը։ Թուրք ռազմական ինժեներները փոխել ու մեծացրել են աշտարակը, ուժեղացրել են զրահապատումը։

Թուրքիայի պաշտպանության նախարարության տվյալներով, Altay տանկերում հարավկորեական տեխնոլոգիաների մասնաբաժինը կազմում է մոտ 60%։ Նոր ռազմական մեքենան գնահատվում է 5.5 մլն դոլար։ Թուրքական բանակի սպառազինությունում ներկայումս գտնվում են ԱՄՆ-ի և ԳԴՀ-ի արտադրության Leopard 1a/2a, М60 ու М48 տանկեր։ Թուրքիայի պաշտպանական գերատեսչությունը հին տանկերն աստիճանաբար կփոխարինի Altay-ով։

Kasirga TR-300 համազարկային կրակի ռեակտիվ համակարգը նախատեսված է հակառակորդի տարածքի խորքում տեղակայված կարևորագույն նշանակետերին հարվածելու համար, ներառյալ ռազմական բազաները և զորքերի կենտրոնացման վայրերը։