Ադրբեջանում բացահայտվել է Իրանի հատուկ ծառայությունների հետ կապերի մեջ գտնվող մարդկանց խումբ

Ադրբեջանի ազգային անվտանգության նախարարության (ԱԱՆ) աշխատակիցները բացահայտել են, ըստ ադրբեջանական ԶԼՄ–ների, հանցավոր խումբ՝ մեղադրելով վերջինիս անդամներին Իրանի համար լրտեսություն կատարելու մեջ։

Ինչպես հայտնել է Ադրբեջանի ԱԱՆ հասարակայնության հետ կապերի կենտրոնի ղեկավար Արիֆ Բաբաևը, բացահայտվել և ձերբակալվել է մի խումբ, որի անդամները հետախուզությամբ են զբաղվել Ադրբեջանում։ Խումբը բաղկացած է եղել 22 հոգուց և հանցավոր կապի մեջ է եղել Իրանի Իսլամական Հանրապետության հատուկ ծառայությունների հետ, հաղորդում է 1news.az–ը։