Ադրբեջանը պատրաստ է շարունակել բանակցությունները. Մամեդյարով

Ադրբեջանի արտգործնախարար Էլմար Մամեդյարովը քննադատել է Բաքվում անցկացվելիք «Եվրատեսիլը» բոյկոտելու մասին Հայաստանի որոշումը։ Ինչպես տեղեկացնում է 1news.az–ը, այս մասին նա ասել է գերմանական Die Welt պարբերականին տված հարցազրույցում։

Անդրադառնալով հայ-ադրբեջանական և ղարաբաղյան հակամարտությանը, նա նշել է, որ «Եվրատեսիլը» չպետք է օգտագործվի քաղաքական նպատակներով:

Նախարարն ընդգծել է, որ չնայած խնդրի կարգավորման ուղղությամբ մինչ հիմա ձեռնարկված քայլերն արդյունք չեն տվել, Ադրբեջանը պատրաստ է շարունակել բանակցությունները։