Պատերազմը Ղարաբաղում վտանգավոր է հատկապես Ադրբեջանի համար. Իրանցի դիվանագետ

«Երրորդ ուժ» հայաստանյան թերթին տված հարցազրույցում Հայաստանում Իրանի նախկին դեսպան Մոհամմադ Ֆարհադ Քոլեյնին, տարածաշրջանային խնդիրների վերաբերյալ լրագրողի հարցին պատասխանելով, անդրադարձել է նաև Ղարաբաղյան կոնֆլիկտին։  

«Պաշտոնական Թեհրանը բազմիցս հայտարարել է, որ Իրանը կողմ է Ղարաբաղյան կոնֆլիկտի խաղաղ ճանապարհով լուծմանը։ Չնայած, Ադրբեջանի «ագրեսիվ» պահվածքին, վերջինս պատրաստ չէ խնդիրը ռազմական ճանապարհով լուծելուն։ Պաշտոնական Բաքուն, եթե վերսկսի ռազմական գործողությունները, ապա դա բացասաբար կանդրադառնա Ադրբեջանի տնտեսության վրա՝ մասնավորապես էներգետիկ ներդրումների»,– ասել է դիվանագետը։ Հաղորդում է Ռեգնում լրատվական գործակալությունը։