Հարավային Օսիայի ընդդիմության առաջնորդ Ալլա Ջիոևան դուրս է գրվել հիվանդանոցից

Հարավային Օսիայի ընդդիմության առաջնորդ Ալլա Ջիոևան դուրս է գրվել Ցխինվալի հիվանդանոցից, որտեղ գտնվում էր փետրվարից՝ իր նախընտրական շտաբի վրա հատուկջոկատայինների հարձակումից հետո, հաղորդում է NEWSru.com-ը։

Ավելի վաղ Ջիոևան հայտարարել էր, որ վաղը հանրապետությունում կայանալիք նախագահական ընտրություններից առաջ իրեն հիվանդանոցում ստիպողաբար են պահում։ 

Իրավապահ մարմինների ներկայացուցիչները հայտարարել են, որ հիվանդանոցից դուրս գրվելուց հետո Ջիոևան կարող է վերադառնալ տուն, քանի որ նա ձերբակալված չէ։ 

Հիշեցնենք, որ Ջիոևան հիվանդանոց էր տեղափոխվել փետրվարի 9-ին՝ հիպերտոնիկ կրիզ ախտորոշմամբ։