Հարավային Օսիայում նախագահական ընտրություններ են

Հարավային Օսիայում այսօր՝ ապրիլի 8-ին, նախագահական ընտրությունների երկրորդ փուլն է։

2011 թվականի աշնանը տեղի ունեցած նախագահական ընտրություններում, վերջերս հրապարակված տվյալներով, հաղթել էր ընդդիմության թեկնածու Ալլա Ջիոևան։ Սակայն, Բարձրագույն դատարանի որոշմամբ, ընտրությունների արդյունքները չեղյալ են համարվել՝ թույլ տրված իրավախախտումների պատճառով։

Նոր ընտրություններն անցկացվել են այս տարվա մարտի 25-ին, սակայն դրանք էլ են անհաջողությամբ ավարտվել, քանի որ բացահայտ առաջատար չի եղել։ Նշենք նաև, որ երկրորդ փուլում պայքարը շարունակում են ԱԱԿ նախկին ղեկավար Լեոնիդ Տիբիլովը և մարդու իրավունքների պաշտպան Դավիթ Սանակոևը։