Հնարավոր չէ գտնել ԼՂ խնդրի արագ կարգավորում. Վալենտինա Մատվիենկո

Ռուսաստանը ԼՂ հակամարտության խնդրի կարգավորման համար ձեռնարկում է բոլոր անհրաժեշտ միջոցները և նախագահ Դմիտրի Մեդվեդևի նախաձեռնությամբ արդեն անցկացվել են Ադրբեջանի, Ռուսաստանի և Հայաստանի նախագահների մի քանի եռակողմ հանդիպումներ, որոնց շրջանակներում քննարկվել են կարգավորման հնարավոր տարբերակները։ Այս մասին հայտարարել է Ռուսաստանի Դաշնային խորհրդի ղեկավար Վալենտինա Մատվիենկոն՝ Ադրբեջան կատարած պաշտոնական այցի ժամանակ։  

Վերջինս մասնավորապես նշել է, որ խնդիրը չունի արագ լուծում, «քանզի ղարաբաղյան հակամարտությունը շատ բարդ խնդիր է։ Նախագահների վերջին հանդիպումը, որը կայացել է հունվարի 23-ին՝ Սոչիում, շատ արդյունավետ է եղել։ Ստորագրված եռակողմ հայտարարությունը, իմ կարծիքով, կարագացնի հակամարտության խաղաղ կարգավորման գործընթացը»։

Վալենտինա Մատվիենկոն հայտնել է, որ այդ գործի մյուս կողմը հանդիսանում է խորհրդարանի դերը. «Դա խորհրդարանական դիվանագիտությունն է»։ «Կարծում եմ, որ պետք է կենտրոնանալ շփումների կազմակերպման, մեր մտավորականության, մշակույթի ներկայացուցիչների եռակողմ հանդիպման վրա։ Մեր խնդիրն է՝ ստեղծել վստահության մթնլորտ։ Առանց վստահության մթնոլորտի, առանց ջանքերի, դժվար կլինի գտնել այդ խնդրի պրակտիկ լուծումը։ Ինձ թվում է, որ խորհրդարանների դերը կարևոր է դրանում։ Մենք պետք է աջակցենք մշակույթի ու գիտության գործիչներին, երիտասարդներին՝ ստեղծելով վստահության մթնոլորտ, որի շրջանակներում կգտնվի լուծումը», – Մատվիենկոյի խոսքերը մեջբերել է APA լրատվականը։