Արևելյան Ադրբեջանի մտավորականները խիստ քննադատության են ենթարկել Ալիևին
Տարածաշրջան
Ինչպես հաղորդում է իրանական «Ansar Tabriz» լրատվական կայքը, Իրանի Արևելյան Ադրբեջան նահանգի մտավորականները, Թավրիզի համալսարանների դասախոսներն ու ուսանողները դատապարտել են Ադրբեջանի նախագահի հակաիսլամական գործունեությունը։
Նրանք Ադրբեջանի իշխանություններին ուղղված հայտարարության մեջ մասնավորապես նշել են. «Ցավում ենք, որ Ադրբեջանի նախագահ Իլհամ Ալիևի հակաիսլամական հանցավոր գործունեությունն ընդգրկվել է պաշտոնական Բաքվի աշխատանքային օրակարգում»։
Հայտարարության մեջ մտավորականներն անդրադառնում են չադրա կրելն արգելելուն, իսլամական գործիչների ձերբակալություններին և մզկիթներ քանդելուն։
Ի դեպ՝ վերջերս իրանցի բարձրաստիճան հոգևորական այաթոլլա Մաքարեմ Շիրազին իր ելույթներից մեկում Ադրբեջանի իշխանություններին էր դիմել հետևյալ բառերով. «Մենք վստահ ենք, որ Ադրբեջանի ժողովուրդն այս իրավիճակը չի հանդուրժի և մի օր կբռնի ձեր օձիքից և ցած կիջեցնի իշխանական աթոռից։ Տարածաշրջանում տեղի ունեցող իրադարձություններից դասեր քաղեք»։
Իսկ վերջերս կազմակերպված «Իսլամական զարթոնք Ադրբեջանում» թեմայով համագումարի ժամանակ ավելի քան 40 իսլամական երկրների հոգևորականներ և գիտնականներ ևս դատապարտեցին Ադրբեջանի հակաիսլամական քաղաքականությունը։
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
