Կազբեգիի շրջանում տեղի ունեցած փլուզման հետևանքով փակ է ռազմա-վրացական ճանապարհը

Հյուսիսային Օսիայի ԱԻՆ-ի գլխավոր վարչությունից «Ինտերֆաքսին» հայտնել են, որ փլուզումը ծածկել է ռազմա-վրացական ավտոճանապարհը: Հյուսիսային Օսիայի կառավարության արտակարգ իրավիճակների հանձնաժողովի հրահանգի համաձայն՝ երթևեկությունն արգելված է ապրիլի 15-ի ժամը 11:00-ից:

Այս պահին, նախքան ԱԻՆ-ի հատուկ կարգադրությունը, Վլադիկավկազ-Լարս հատվածում երթևեկությունն արգելված է երկու ուղղություններով էլ:

Ռազմա-վրացական ճանապարհը Վրաստանը կապում է Հարավային Կովկասի երկրների, մասնավորապես՝ Հայաստանի հետ: Այդ ճանապարհով հանրապետություն է տեղափոխվում բեռների հիմնական հոսքը: