Դեռ վաղ է խոսել Գաբալայի ՌՏԿ-ի դերի մասին. ՌԴ փոխարտգործնախարար
Ադրբեջան
Ռուսաստանը կարծում է, որ դեռ վաղ է խոսել, թե Գաբալայի ռադիոտեղորոշիչ կայանը (ՌՏԿ) ինչ դեր կարող է խաղալ հակահրթիռային պաշտպանության (ՀՀՊ) ոլորտում ԱՄՆ-ի հետ համագործակցության ժամանակ։ Այս մասին երեքշաբթի հայտարարել է Ռուսաստանի փոխարտգործնախարար Սերգեյ Ռյաբկովը։
«Դեռ վաղ է խոսել, թե Գաբալայի ռադիոտեղորոշիչ կայանը ինչ դեր կարող է խաղալ հակահրթիռային պաշտպանության ոլորտում ԱՄՆ-ի և ՆԱՏՕ-ի հետ համագործակցության ժամանակ», - ասել է նա։
Ռյաբկովը հավելել է, որ Ռուսաստանն ԱՄՆ-ից ու ՆԱՏՕ-ից պահանջում է իրավաբանորեն պարտադրող երաշխիքներ, որ նրանց ՀՀՊ-ի համակարգերը չեն ուղղվի Ռուսաստանի դեմ, հաղորդում է «Ռիա նովոստի»-ն։
«Բացի այդ, պետք է լինի նաև ռազմա-տեխնիկական օբյեկտիվ չափանիշների հավաքածու, որը ռուսական կողմին կօգնի դատել ՀՀՊ-ի ուղղվածության հարցում», - ասել է Ռյաբկովը։
Հիշեցնենք, որ ապրիլի սկզբներին ՌԴ ԱԳՆ ղեկավար Սերգեյ Լավրովը հայտարարել էր, որ Գաբալայի ՌՏԿ-ից ստացված տեղեկությունները՝ ՀՀՊ համագործակցության շրջանակներում, ԱՄՆ-ին փոխանցելու հարցը ներկայումս չի քննարկվում։
ՈՒՂԻՂ ԵԹԵՐ
Ամենադիտված 
Կորուստ՝ Ալլա Լևոնյանի ընտանիքում
