Քվենտին Տարանտինոն ներկայացրել է «Գարշելի ությակը» ֆիլմի առաջին թրեյլերը

Ամերիկացի հայտնի ռեժիսոր Քվենտին Տարանտինոն օգոստոսի 12-ին ներկայացրել Է «Գարշելի ությակը» իր նոր ֆիլմի առաջին թրեյլերը: Այն դրական արձագանք Է ստացել հոլիվուդյան եւ համաշխարհային քննադատներից, տեղեկացնում Է «Արմենպրես»-ը:

«Տարանտինոյի նոր կինոնկարն ստեղծվել Է սպագետտի-վեսթեռնի հատուկ ոճաբանությամբ, որի դասական օրինակներն են ռեժիսոր Սերջո Լեոնեի ֆիլմերը,-նշում Է KTLA հեռուստաալիքը:-Միաժամանակ ժապավենի գեղարվեստական հայեցակարգն իրենից ներկայացնում Է Տարանտինոյի այնպիսի ֆիլմերի շարունակությունը, ինչպիսիք են «Անփառունակ տականքները» (2009) եւ «Ազատագրված Ջանգոն» (2012)»:

«Սակայն նոր կինոնկարի առանձնահատկությունը բավականին մռայլ բեմական իրադրությունն Է, որը հակադրություն Է կազմում Տարանտինոյի ստեղծագործությանը բնորոշ տոնի, պայծառության եւ ընդհանուր ոգեշնչվածության մթնոլորտի հետ»,-ընդգծել Է հեռուստաալիքը:

«Գարշելի ությակի» գործողությունը տեղի Է ունենում ԱՄՆ-ում քաղաքացիական պատերազմի ավարտից մի քանի տարի հետո: Ձնամրրիկի պատճառով ութ մարդասպաններ հանդիպում են մեկուսի փոքրիկ պանդոկում, որտեղ ծավալվում են հիմնական իրադարձությունները:

Ինչպես հաղորդում են Հոլիվուդի ներկայացուցիչները, գործողության ավելի մեծ ռեալիստականության համար Տարանտինոն պնդել Է, որ ձյունով ծածկված պանդոկում տեսարանները նկարահանվեն հատուկ ստեղծված սառնարանային խցում: Տարանտինոն «Գարշելի ությակը» ֆիլմի երկու տարբերակ Է արել՝ դասական 70-միլիմետրանոց ժապավենի վրա եւ ժամանակակից թվային ձեւաչափով: Տարանտինոյի կարծիքով, միայն 70-միլիմետրանոց ժապավենը կարող Է ամբողջ խորությամբ ներկայացնել կադրը եւ դրանով իսկ ուժեղացնել կինոնկարի վիզուալ եւ գեղագիտական ազդեցությունը հանդիսատեսի վրա:

Ինչպես նշում Է ՏԱՍՍ-ը, առաջին տարբերակը 2015 թվականի դեկտեմբերի 25-ին կցուցադրվի ընտրված կինոթատրոններում: Ֆիլմի թվային տարբերակը կինոթատրոններում կցուցադրվի 2016 թվականի հունվարի 8-ին: