ՀԺ. Հայաստանի պետական պարտքի «պլանը» կգերակատարվի 20-25%-ով

«Հայկական ժամանակ» թերթը գրում է.

«Հայաստանի պետական պարտքն այս տարվա հուլիսի 31-ի դրությամբ կազմել է 4 մլրդ 723 մլն դոլար: Հունիսի 30-ի համեմատությամբ՝ մեր պետական պարտքն աճել է ավելի քան 42,5 մլն դոլարով, իսկ տարվա սկզբից՝ 281 մլն դոլարով:

Պետական բյուջեի ծրագրով պետական պարտքն այս տարվա վերջին պետք է կազմեր 4,1 մլրդ դոլար: Փաստորեն, ՀՀ իշխանությունները գերակատարել են պետական պարտքի «պլանը» մոտ 14 տոկոսով, ընդ որում, սա միայն տարվա կեսի ցուցանիշով: Մինչև տարվա վերջ պլանը կգերակատարվի 20-25 տոկոսով: Պետական պարտքի հիմնական պատճառը եղել է արտաքին պարտքի աճը, որը տարվա սկզբից մեծացել է 240 մլն դոլարով և ՀՀ պատմության մեջ առաջին անգամ հատել է 4 մլրդ սահմանագիծը՝ կազմելով 4 մլրդ 24 մլն դոլար:

Մանրամասն՝ թերթի այսօրվա համարում