Արոնյանը՝ Սինքֆիլդի գավաթում հաղթելու և Բաքու մեկնելու մասին

ԱՄՆ-ի Սենթ Լուիս քաղաքում ավարտվեց «Սինքֆիլդի գավաթ» մրցաշարը:

Ինչպես արդեն տեղեկացրել ենք, Հայաստանի հավաքականի առաջատար Լևոն Արոնյանը վերջին տուրում ոչ-ոքի խաղաց Վեսելին Տոպալովի հետ և իր ակտիվում գրանցած 6 միավորով դարձավ մրցաշարի հաղթող:

Հաղթանակից հետո գրոսմայստերը ասել է.

«Իմ գլխավոր երկրպագուն մայրս է: Մտածեցի, որ պետք է արագ ոչ-ոքի խաղալ, որպեսզի ծնողներս կարողանան գնալ քնելու: Այսքան անհաջողություններից հետո անհրաժեշտ էր ինքս ինձ ապացուցել, որ դեռ ինչ-որ բանի ունակ եմ:

Անդրադառնալով Բաքվում կայանալիք մրցաշարին՝ Արոնյանը հավելել է.

«Մեկ շաբաթից մեկնելու եմ Բաքու, իսկ աշխարհի գավաթի խաղարկությունից հետո կմասնակցեմ Բեռլինում կայանալիք արագ և բլից շախմատի աշխարհի առաջնությանը: Ցավոք, մեզ՝ շախմատիստներիս, դժվար է երկրների միջև կոնֆլիկտի կարգավորման հարցում օգնելը: Բայց չէ՞ որ երաժիշտները, արվեստի այլ ներկայացուցիչներ գնում են Ադրբեջան՝ որպես խաղաղության դեսպան: Ես նույնպես կփորձեմ հետևել նրանց օրինակին: Կփորձեմ ցույց տալ, որ հարգում եմ հարևան երկիրը, լավագույն խաղս ցուցադրել և հաճույք պարգևել տեղի երկրպագուներին»,- Արոնյանի խոսքը մեջբերում է Chess-News-ը: