Դավութօղլուն ու Մամեդյարովը Բրյուսելում քննարկել են ԼՂ հակամարտությունը

Ադրբեջանի և Թուրքիայի արտգործնախարարներն ապրիլի 19-ին հանդիպել են Բրյուսելում, հաղորդում է Hurriyet Daily News–ը։ 
Հանդիպումը կայացել է ՆԱՏՕ-ում Թուրքիայի մշտական ներկայացուցչությունում։

«Մենք քննարկեցինք շատ հարցեր, այդ թվում՝ ԼՂ հակամարտության կարգավորումը և ԵԱՀԿ ՄԽ-ի գործունեությունը։ Կարող եմ ասել, որ թուրք-ադրբեջանական հարաբերությունները շատ լավ են զարգանում, և մենք գոհ ենք բոլոր ոլորտներում մեր երկրների համագործակցությունից»,- նշել է Թուրքիայի ԱԳ նախարարը։

Մամեդյարովն իր հերթին նշել է, որ Ադրբեջանը Թուրքիայի հետ դիվանագիտական հարցերում ևս խոսում է նույն լեզվով։