Դավութօղլուն բողոքել է Հայաստանից, Իսրայելից և Սիրիայից

Թուրքիայի արտգործնախարար Ահմեդ Դավութօղլուն, խոսելով Թուրքիայի արտաքին քաղաքական կուրսի՝ մասնավորապես «զրո խնդիր հարևանների հետ» հարցի մասին, հայտարարել է, որ Ռուսաստանի, Ուկրաինայի, Վրաստանի և Ադրբեջանի հետ հարաբերությունները և համագործակցությունը լավ հիմքերի վրա է դրված և գնալով զարգանում է։ 

Սակայն, անդրադառնալով մյուս սահմանակից երկրների՝ Հայաստանի, Իսրայելի և Սիրիայի հետ հարաբերություններին, նշել է, որ «այդ երկրների հետ չափազանց դժվար է հարաբերություններ հաստատել»։ «Թուրքիայի համար դժվար է կայուն հարաբերություններ պահպանել այդ երկրների հետ», – արտգործնախարարի խոսքերը մեջբերում է Hurriyet Daily News–ը։