ԼՂ հակամարտության կարգավորման հարցում հստակ արդյունքների կարելի է հասնել այս տարվա վերջին. ԵԱՀԿ ներկայացուցիչ

Հարավային Կովկասում ԵԱՀԿ գործող նախագահի հատուկ ներկայացուցիչ դեսպան Պատրիկ Մըրֆին կարծիքով ԼՂ հակամարտության կարգավորման շուրջ լուրջ արդյունքներ կարելի է արձանագրել այս տարվա վերջին։

1news.az-ին տված հարցազրույցում Մըրֆին ասել է, որ հակամարտությունում զգալի առաջընթաց կարելի է արձանագրել երկու կողմերի քաղաքական կամքի և միջազգային հանրության կողմից համատեղ ջանքերի դրսևորման արդյունքում։

«ԵՍ, իմ հերթին, որպես Հարավային Կովկասում ԵԱՀԿ գործող նախագահի հատուկ ներկայացուցիչ, ձգտում եմ իմ ակտիվ ներգրավվածությամբ նպաստել բոլոր կողմերին հասնելու տարածաշրջանում հակամարտությունների լուծմանը։ Միևնույն ժամանակ, ես կողմերի ուշադրությունը հրավիրել եմ Իռլանդիայի փորձին, թեև հայտնի է, որ երկու նման հակամարտությունները չեն լինում», - ասել է Մըրֆին։

Նա նաև նշել է, որ միակ կառույցը, որն ի վիճակի է հակամարտության կարգավորման գործընթացը տանել խաղաղ ճանապարհով, ԵԱՀԿ Մինսկի խումբն է։

«Մենք աջակցում ենք ԵԱՀԿ Մինսկի խմբի ջանքերին և կողմ ենք հակամարտության լուծման հիմնական սկզբունքներին, որոնք տեղ են գտել խաղաղության համաձայնագրի պաշտոնական փաստաթղթում։ Հաշվի առնելով այս երկարաժամկետ գործընթացը, մենք պետք է ձգտենք, որպեսզի հետագայում տարածաշրջանում լարվածությունն ավելի չխորանա», - ասել է Մըրֆին։