Ադրբեջանը փորձում է հոգեբանական ֆոնն իր կողմն օգտագործել. Դավիթ Ջամալյան
Տարածաշրջան
Հրադարադի հաստատումից ի վեր ունենք ճակատային գիծ, որն էապես չի փոփոխվել, բայց այդ ճակատային գիծը ստատիկ վիճակում չէ, դինամիկ է: Այս մասին այսօր լրագրողների հետ հանդիպման ժամանակ նշեց ռազմական փորձագետ Դավիթ Ջամալյանը:
«Կա չեզոք գոտի երկու կողմերի միջև և նրանք փորձում են կրճատել այդ գոտին: Երբ համեմատում ենք, թե ինչ ունենք նախաձեռնողական ակտիվության շնորհիվ և ինչ ունի թշնամին, առավելությունը մերն է»,- նշեց փորձագետը:
Նրա խոսքով՝ ճակատի տարբեր հատվածներում գտնվող մարտական հենակետերը սահմանափակում են դիվերսիոն խմբերի ու դիպուկահարների ակտիվությունը: Խոսելով հրադադարի մասին՝ Ջամալյանը նշեց, որ հոգեբանական առումով հակամարտ հասարակություններին այն դարձնում է հոգեբանորեն խոցելի:
«Հրադադարը ենթադրում է անորոշություն: Մարդիկ չգիտեն՝ վաղվա օրը ինչ է լինելու: Եվ եթե կանխատեսելի չէ մոտալուտ ապագան, կա տագնապ: Ադրբեջանը փորձում է հոգեբանական ֆոնն իր կողմն օգտագործել, ինչի գերնպատակը Արցախը Ադրբեջանին հանձնելու դիրքորոշում ձևավորելն է»,- հավելելով, որ ադրբեջանական պրոպագանդան պետք է գտնի ներքին հակազդում:
ՈՒՂԻՂ ԵԹԵՐ
Ամենադիտված 
Մայիս ամսվա ոչ աշխատանքային և տոնական օրերը
