Ադրբեջանցիները բողոքում են Իրանի «հակաադրբեջանական» քաղաքականության դեմ

Արտասահմանում ապրող ադրբեջանցիները պատրաստվում են զանգվածային բողոքի ցույցեր անցկացնել մի շարք երկրներում Իրանի դեսպանատների առջև՝ Ադրբեջանի ներքին գործերին Իրանի միջամտության «փորձերի» դեմ, հաղորդում է 1news.az–ը։

Մայիսի 19-ին Գերմանիայում և Դանիայում բնակվող ադրբեջանցիները Բեռլինում և Կոպենհագենում Իրանի դեսպանատների առջև բողոքի ցույցեր կանցկացնեն Թեհրանի քաղաքականության և Թավրիզում՝ Ադրբեջանի գլխավոր հյուպատոսության դիմաց կայացած, «Եվրատեսիլ-2012» երգի մրցույթի անցկացման հետ կապված՝ պատվիրված պիկետի դեմ։

Մայիսի 20-ին նման ցույցեր կանցկացվեն Հաագայում՝ Նիդեռլանդների խորհրդարանի առջև, Ստոկհոլմում՝ Շվեդիայում Իրանի դեսպանատան առջև, իտալական Լացիո քաղաքի, Փարիզի, Լոնդոնի, Տորոնտոյի, Մանչեսթերի կենտրոնական փողոցներում։