Թուրքիան նախատեսում է Չիկագոյի գագաթնաժողովի ամփոփիչ հայտարարությունը լրացնել ԼՂ վերաբերյալ կետով
Տարածաշրջան
Թուրքական պատվիրակությունը ՆԱՏՕ-ի Չիկագոյի գագաթնաժողովում պլանավորում է գագաթնաժողովի ամփոփիչ հայտարարության մեջ մտցնել հայ-ադրբեջանական, ԼՂ հակամարտության կարգավորման վերաբերյալ կետ, հաղորդում է թուրքական Sabah թերթը։
ՆԱՏՕ-ի Չիկագոյի գագաթնաժողովում թուրքական պատվիրակության օրակարգի հիմնական հարցերից մեկը հանդիսանում է գագաթնաժողովի ամփոփիչ հայտարարության մեջ «չկարգավորված հակամարտությունների մասին» բաժնում հայ-ադրբեջանական, ԼՂ հակամարտության կարգավորման մասին հարցի մտցնելը։
Թերթի հաղորդմամբ՝ Թուրքիայի նախագահ Աբդուլահ Գյուլը Չիկագոյում իր ադրբեջանցի գործընկեր Իլհամ Ալիևի հետ հանդիպման ընթացքում ասել է, որ Անկարան ԼՂ հարցում մինչև վերջ կաջակցի Ադրբեջանին։ Պետության ղեկավարները քննարկել են ԼՂ հակամարտությանը վերաբերվող ամփոփիչ հայտարարության տեքստը։
Հիշեցնենք, որ Չիկագոյում երեկ մեկնարկել է ՆԱՏՕ-ի գագաթնաժողովը, որը, ըստ կազմակերպիչների, դաշինքի պատմության մեջ խոշորագույն իրադարձություն կդառնա։
Չիկագո են եկել ավելի քան 60 երկրների ու կազմակերպությունների ներկայացուցիչներ, այդ թվում 50 նախագահներ ու վարչապետներ։ Նման իրարանցումը կապված է երկօրյա նստաշրջանի արտասովոր ընդարձակ օրակարգի հետ։
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
