Վրաստանը երբեք չի վերադառնա ինչ-որ մեկի ճտքավոր կոշիկը լիզելու կարգավիճակին. Միխեիլ Սաակաշվիլի

Ոչ ոք չի կարող Վրաստանը վերադարձնել ինչ-որ մեկի ճտքավոր կոշիկը լիզելու վիճակին, Քութաիսիում խորհրդարանի հանդիսավոր նիստի ժամանակ հայտարարել է Վրաստանի նախագահ Միխեիլ Սաակաշվիլին: 

«Վրաստանն այլևս երբեք չի լինի որևէ պետության ծայրամասը: Հինգերորդ շարասյունը չի կարողանալու մեր պետությունը վերադարձնել ինչ-որ մեկի ճտքավոր կոշիկը լիզելու վիճակին: Այն մարդիկ, որոնք կարծում են, թե վրացիներն են սկսել պատերազմը և դրա համար պետք է պատժվեն, երբեք չեն կարող Վրաստանը վերադարձնել ստորացված, լքված երկրի կարգավիճակին: Նրանք կարծում են, թե Վրաստանի փրկության միակ ճանապարհը հենց ինչ-որ մեկի ճտքավոր կոշիկը լիզելն է, սակայն նման բան երբեք տեղի չի ունենա»,- ասել է նախագահը: 

Սաակաշվիլին հիշեցրել է, որ բոլորը ծիծաղում էին իշխանությունների վրա, երբ վերջիններս պնդում էին, թե Վրաստանը դառնալու է տարածաշրջանային կենտրոն, սակայն այդ խոստումն արդեն իրականություն է դարձել: