Nabucco-ի աշխատանքները կավարտվեն նախատեսվածից մեկ տարի շուտ

Եվրոպական միության կողմից աջակցություն ստացող Կասպից ծովի և Կենտրոնական Ասիայի տարածաշրջանից՝ Ռուսաստանի տարածքը շրջանցող, Nabucco գազատարի կառուցման վերջնական աշխատանքը կավարտվի հունիսի վերջին, հաղորդում է Itar-Tass–ը։

Հունգարիայի և Բուլղարիայի էներգետիկ ընկերությունների ղեկավարների կողմից 2002–ի աշնանը Վիեննայում պաշտոնական ճաշի ընթացքում մտահղացած ծրագրի շահագործումը նախատեսված է 2014–ին։ Համաձայն այդ ծրագրի, հենց այդ ժամանակահատվածում էր նախատեսվում ավարտել 3,3 հազար կիլոմետր ձգվող գազատարի կառուցման աշխատանքը, որի շնորհիվ ԵՄ–ն առաջին անգամ հնարավորություն է ստանում բնական գազ ստանալ Ադրբեջանից և Թուրքմենիայից։  

Անկախ փորձագետներն ի սկզբանե կանխատեսումներ էին անում ծրագրի անկենսունակության առումով։ Սակայն Եվրահանձնաժողովի ազդեցիկ քաղաքական խմբերի ճնշման տակ Եվրախորհրդարանն աջակցեց գազատարի կառուցման գաղափարին և հայտնեց, որ էներգետիկ անվանգության առումով այն ռազմավարական կարևոր նշանակություն ունի ԵՄ–ի համար։ 

Սակայն, ինչպես նշում են գործարար շրջանակները, ծրագրի աշխատանքների ավարտից մի քանի շաբաթ առաջ մի քանի խոշոր էներգետիկ ընկերությունների, այդ թվում BP–ի՝ ծրագրից դուրս գալուց հետո ԵՄ–ը ստիպված է վերանայել իր դիրքորոշումը գազատարի հետագա ճակատագրի հարցում։ Ըստ փորձագետների, Nabucco-ի անկենսունակությունը մեծ հաշվով պայմանավորված է համաշխարհային շուկայում մի շարք լուրջ փոփոխություններով։