«Ռեալ»-ն ուժեղ էր «Ատլետիկ»-ից (տեսանյութ)

Իսպանիայի առաջնության 28-րդ տուրում Բիլբաոյի «Ատլետիկ»-ը հյուրընկալեց Մադրիդի «Ռեալ»-ին:

Հանդիպումն ավարտվեց հյուրերի հաղթանակով` 2:1 հաշվով:

Մեկնարկից 25 րոպե անց Կրիշտիանու Ռոնալդուի փոխանցումը արդյունավետ եզրափակեց Քարիմ Բենզեման:

Երկրորդ խաղակեսում` 65-րդ րոպեին Արից Ադուրիսը հավասարեցրեց հաշիվը, իսկ երեք րոպե անց` Ռոնալդուն գոլային փոխանցում կատարեց Կազեմիրոյին:

Այս հաղթանակից հետո մադրիդյան թիմը 65 միավորով ամրապնդում է իր դիրքերը Լա լիգայի մրցաշարային աղյուսակի առաջին հորիզոնականում: