Հարավային Օսիայի նախագահը նախկին մրցակցին նախարար է նշանակել

Հարավային Օսիայի նախագահ Լեոնիդ Տիբիլյովը արտաքին գործերի նախարար է նշանակել իր նախկին մրցակից Դավիդ Սանակոևին, հաղորդում է Ռիա նովոստին։ 

Սանակոևը 2004–ից զբաղեցնում էր երկրի օմբուդսմենի պաշտոնը։ 2004–2008թթ. Վրաստանի հետ ռազմական կոնֆլիկտի ժամանակ նա մասնակցել է ռազմական գործողություններին։

2012–ի սկզբին Սանակոևը պայքարել է նախագահի պաշտոնի համար։ Նա մասնակցել է կրկնակի ընտրություններին (2011–ի աշնանը կայացած Հարավային Օսիայի նախագահական ընտրությունները չեղյալ համարվեց, այդ ժամանակվա իշխանությունների կողմից ընդդիմության առաջնորդ Ալլա Ջիոևայի հաղթանակը չընդունելու պատճառով)։ Սանակոևը նախագահական ընտրությունների 2-րդ փուլ անցավ «ԿԳԲ»–ի նախկին ղեկավար Լեոնիդ Տիբիլյովի հետ։ Արդյունքում Տիբիլյովը հաղթանակ տարավ՝ հավաքելով 54% ձայն։

Սանակոևն ընդունել է իր պարտությունը և ընտրություններից հետո հայտարարել էր նոր կուսակցություն ստեղծելու մտադրության մասին։