Մեր աշխատակիցներն իմ մարդիկ չեն, ընդամենը մասնագետներ են. ՍԱՊԾ պետն՝ իր շուրջ հասունացած սկանդալի մասին

ՍԱՊԾ պետ Իշխան Կարապետյանն այսօր հրավիրված մամուլի ասուլիսի ընթացքում անդրադարձավ դիտարկմանը, թե ինքն աշխատանքից ազատում է որակյալ մասնագետներին՝ փոխարենը բերելով աշխատակիցների, որոնք ոլորտի հետ կապ չունեն:

«Ծառայության աշխատողները քաղծառայողներ են, որոնք բացառում են ոլորտում խնդիրների առկայությունը: Ես չգիտեմ՝  որտեղից է այդ տեղեկատվությունը, բայց պետք է ասեմ՝ նման բան չկա: իմ ղեկավարության ընթացքում այլ աշխատանքի են անցել 9 աշխատակիցներ: Եկել են նոր՝ ՏՏ ոլորտին տիրապետող մասնագետներ, քանի որ մեզ համար առաջնային է դառնում ՏՏ ոլորտի գիտելիքների կիրառումը: Մարզային անցակետերում աշխատանքի են անցել 10 նոր մասնագետներ: Հիմա ես չեմ հասկանում, եթե կա կոնկրետ մարդ, կոնկրետ դեպք՝ ասեք՝ պատասխանեմ»:  

Ծառայության պետն աշխատանքի է ընդունում իր մարդկանց դիտարկմանը Իշխան Կարապետյանը պատասխանեց. «Ի՞նչ դեպք գիտեք, մեր աշխատակիցները իմ մարդիկ չեն, ընդամենը մասնագետներ են»:

Կարապետյանը նաև հավելեց, որ ծառայությունն ունի մշտապես որակյալ կադրերով համալրվելու անհրաժեշտություն և իրականացված կադրային փոփոխություններն իրականացվել են այս ոլորտներում:

Աղավնի Սուքիասյան