Արտակ Զաքարյանը և Արտակ Դավթյանը կնշանակվեն ՀՀ պաշտպանության նախարարի տեղակալներ
Հասարակություն
Ազգային ժողովի ՀՀԿ խմբակցության պատգամավորներ Արտակ Դավթյանը և Արտակ Զաքարյանը կնշանակվեն ՀՀ պաշտպանության նախարարի տեղակալների պաշտոնում: ՀՀԿ ԳՄ նիստից հետո լրագրողների հետ հանդիպմանն այս մասին հայտնեց ՀՀԿ խոսնակ, ԱԺ փոխնախագահ Էդուարդ Շարմազանովը:
«Կուսակցությունը որոշել է իր երկու ներկայացուցիչներին գործուղել պաշտպանության նախարարություն: Դուք ապագայում պարոն Արտակ Զաքարյանին և պարոն Արտակ Դավթյանին կտեսնեք պաշտպանության նախարարությունում' որպես նախարարի տեղակալներ»,- ասաց Էդուարդ Շարմազանովը:
Նա ընդգծեց, որ քաղաքական որոշումն արդեն կայացված է և նրանց նշանակումն ընդամենը ժամանակի հարց է: «Մենք համոզված ենք, որ թե´ Արտակ Զաքարյանը, թե´ Արտակ Դավթյանը, կարող են թե´ իրենց մտավոր, թե´ հայրենասիրական, թե´ պրոֆեսիոնալ ունակությունները ներդնել Հայաստանի Զինված ուժերի առջև ծառացած մարտահրավերները հաղթահարելու գործում: Մենք նրանց հաջողություն ենք մաղթում և աջակցելու ենք»,- նշեց ԱԺ փոխնախագահը:
ՈՒՂԻՂ ԵԹԵՐ
Ամենադիտված 
Գագիկ Ծառուկյանից կբռնագանձվի 75 անշարժ գույք, 42 ավտոմեքենա, 105 միլիարդ 865 միլիոն 865 հազար դրամ
