«Ռեալ»-ը հաղթեց. «Բավարիա»-ն հանդիպումն ավարտեց 10 հոգով (տեսանյութ)

Չեմպիոնների լիգայի քառորդ եզրափակչի առաջին խաղում Մյունխենի «Բավարիա»-ն հյուրընկալեց Մադրիդի «Ռեալ»-ին և պարտվեց 1:2 հաշվով:

Արտուրո Վիդալը հանդիպման 25-րդ րոպեին հաշվի մեջ առաջ մղեց դաշտի տերերին: Առաջին խաղակեսի ավարտին Վիդալը երկրորդ գոլը խփելու հնարավորություն ուներ, սակայն վրիպեց 11 մետրանոց հարվածից:

Երկրորդ խաղակեսի սկզբնամասում` 47-րդ րոպեին Կրիշտիանու Ռոնալդուն խփեց պատասխան գոլը, 77-րդ րոպեին պորտուգալացին հեղինակեց նաև իր երկրորդ գոլը:

Նշենք, որ հանդիպման 61-րդ րոպեին մյունխենցիները մնացին տասը հոգով. երկրորդ դեղինը ստացավ և դաշտից հեռացվեց  Խավի Մարտինեսը: