«Այդ տարածքը շատ վտանգավոր է, կարող է գնաս՝ էլ հետ չգաս»
Հասարակություն
2017-ի մարտի 22-ին Տավուշի մարզի Այգեհովիտ համայնքի ուղղությամբ հակառակորդը կրակոցներ էր արձակել, որի հետևանքով «Ուռի հողեր» կոչվող տարածքում հրդեհ էր բռնկվել:
ԼՈւՐԵՐ.com-ի հետ զրույցում Այգեհովիտի գյուղապետ Լևոն Գրիգորյանը տեղեկացրեց, որ գյուղի բնակիչներին պատկանող խաղողի այգիները ոչնչացվել են, գյուղացիներին մեծ վնաս է պատճառվել:
Գյուղապետի խոսքով՝ այդ տարածքը շատ վտանգավոր է, մոտենալ հնարավոր չէ, մոտենալու դեպքում կրակում են: «Մյուս շաբաթ մարդ պետք է գա, նախարարությունից էլ կգան: Բայց այդ տարածքը շատ վտանգավոր է, կարող է գնաս՝ հետ չգաս, կարող է կրակեն, կարող է գնաս՝ չկրակեն»,- ասաց մեր զրուցակիցը: Հարցին՝ այդքան վտանգավոր տարածքում ինչպե՞ս են գյուղացիները խաղողի այգիներ մշակում, Գրիգորյանը պատասխանեց. «մի կերպ»:
Այգեհովիտի գյուղապետը նաև տեղեկացրեց, որ այս ընթացքում գյուղում կրակոցներ չեն եղել, վիճակը հանգիստ է:
Ի դեպ՝ Քննչական կոմիտեի փոխանցմամբ՝ շուրջ 20.72 հա խաղողի այգի է ոչնչացվել հակառակորդի գործողություններից: Գյուղացիներին պատճառված վնասը, նախնական տվյալներով, կազմում է 10.270.00 դրամ, փոխանցում են կոմիտեից:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
