Մազարի Շարիֆի բազաներից մեկի վրա կատարված հարձակումից հայ խաղաղապահներ չեն տուժել. Արծրուն Հովհաննիսյան
Բլոգոսֆերա
ՀՀ ՊՆ խոսնակ Արծրուն Հովհաննիսյանն իր ֆեյսբուքյան էջում գրել է.
«Մազարի Շարիֆի բազաներից մեկի վրա կատարված հարձակումից հայ խաղաղապահներից որևէ մեկը չի տուժել։ Նրանք շարունակում են կատարել իրենց ծառայությունը այլ բազայում»։
«Թալիբան» շարժման գրոհայիններն Աֆղանստանի հյուսիսում, Մազարի-Շարիֆ քաղաքի ռազմաբազայում սպանել են առնվազն 140 աֆղանցի զինվորականի, կան տասնյակ վիրավորներ, հաղորդում է BBC-ն:
Աֆղանստանի իշխանությունների տեղեկություններով, ռազմաբազայի վրա կատարված հարձակման ժամանակ գրոհայինները եղել են կառավարական բանակի համազգեստներով:
Մարդկային կորուստների առումով սա Աֆղանստանի ռազմաբազաների վրա կատարված ամենադաժան հարձակումն էր:
Մազարի-Շարիֆի իշխանությունների ներկայացուցիչը հայտնել է, որ զոհերի թիվը կարող է ավելանալ:
Հարձակումը տեղի է ունեցել այն ժամանակ, երբ զինծառայողները դուրս են եկել բազայի տարածքում գտնվող մզկիթից: Գրոհայինները գնդակահարել են նաեւ ճաշարանում գտնվող զինվորականներին:
Թալիբներն իրենց հերթին հայտարարել են, որ օգտագործել են նաեւ մահապարտների:
Փոխհրաձգություն է եղել ամբողջ օրվա ընթացքում, եւ ականատեսների պնդմամբ, զոհերի թիվը կարող է ավելանալ: Թալիբների կորուստներն անհամեմատ քիչ են՝ շուրջ 10 գրոհային:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
