Մանչեսթերյան դերբին ավարտվեց առանց հաղթողի. Ֆելաինին հեռացվեց դաշտից (լուսանկարներ, տեսանյութ)

Անգլիայի առաջնության 26-րդ տուրի հետաձգված խաղում «Մանչեսթեր Սիթի»-ն սեփական հարկի տակ ուժերը չափեց «Մանչեսթեր Յունայթեդ»-ի հետ:

Մանչեսթերյան դերպին ավարտվեց առանց հաղթողի. երկրպագուները գոլի ականատես չեղան:

Մոուրինյուի թիմը հանդիպումն ավարտեց տասը հոգով. ոչ սպորտային պահվածքի համար դաշտից հեռացվեց Ֆելաինին (84):

Հենրիխ Մխիթարյանը հյուրերի մեկնարկային կազմում էր և փոխարինվեց 86-րդ րոպեին:

Այս հանդիպումից հետո Մոուրինյուի թիմը 64 միավորով Պրեմյեր լիգայի մրցաշարային աղյուսակի 5-րդ տեղում է, Գվարդիոլայի թիմը 65 միավորով 4-րդն է: