Շախմատի վետերանները առաջին պարտությունը կրեցին աշխարհի առաջնությունում

Կրետե կղզում ընթացող շախմատի վետերանների աշխարհի թիմային առաջնությունում Հայաստանի հավաքականը (50-ից բարձր տարիքային խումբ) 1:3 հաշվով պարտվեց Սանկտ-Պետերբուրգին:  Այս մասին տեղեկացնում է ՀԱՕԿ-ի կայքը:

Առաջին երկու խաղատախտակների առջեւ Ռաֆայել Վահանյանը եւ Արտաշես Մինասյանը ոչ-ոքի արեցին, իսկ Կարեն Մովսիսյանն ու Սերգեյ Գալդունցը պարտվեցին: Սա հայ վետերանների առաջին պարտությունն էր մրցաշարում:

Չորս տուրից հետո Հայաստանի հավաքականը 6 միավորով (11.5 անհատական միավոր) զբաղեցնում է մրցաշարային աղյուսակի երրորդ հորիզոնականը: