«Փաստ». Ադրբեջան-Հայաստան առևտրաշրջանառությունը նորություն չէ

«Փաստ» օրաթերթը գրում է.

«Պարզվում է՝ իշխանությունների համար նորություն չէ հայկական շուկայում ադրբեջանական ապրանք վաճառելու փաստը:
1997–ին Ադրբեջանից Հայաստան է ներմուծվել 62700 դոլարի ապրանք, իսկ մեկ տարի հետո, այդ ցուցանիշը կտրուկ նվազել է' 1500 դոլար:
2003–ին 13400 դոլարի արդբեջանական ապրանք է ներկրվել: 2004–ին ներմուծվել է 500 դոլարի ապրանք, իսկ հաջորդ տարվանից արդեն նաև արտահանում է իրականացվել:
Վիճվարչության տվյալներով՝ 2005–ին եթե հարևան երկրից 1500 դոլարի ապրանք է ներկրվել, ապա նույն տարում Հայաստանից այնտեղ է ներմուծվել 200 դոլարի ապրանք: 2011–ին ներմուծվել է 8500 դոլարի ապրանք:
2013–ին Հայաստան է ներմուծվել 3800 դոլարի ապրանք:
2016 և 2017 թվականների մասին վիճվարչության տվյալներով առևտրաշրջանառություն կրկին չի եղել: Ու եթե անցյալ տարվա մասով ինչ–որ տեղ կարելի է «հավատալ» վիճվարչության կայքում տեղադրված ինֆորմացիային, ապա այս տարվա բացահայտումների ֆոնին նույն աղբյուրի տվյալները բավականին անհանգստացնող են»:

Շարունակությունը' «Փաստ» օրաթերթի այսօրվա համարում