Դաժան սպանություն Արարատի մարզում (տեսանյութ)

Ինչպես արդեն տեղեկացրել ենք, Ապրիլի 22-ին, ժամը 12-ին, ոստիկանության Մասիսի բաժնում հաղորդում էր ստացվել, որ Մասիս քաղաքի բնակիչ, 1948 թ. ծնված Հարություն Ֆայադի Ազատյանը ապրիլի 21-ին, ժամը 14-ի սահմաններում, իր «Օպել Աստրա Ջի» մակնիշի 34 SF 386 համարանիշի ավտոմեքենայով դուրս է եկել տանից և չի վերադարձել:

Որոնողական աշխատանքների արդյունքում' ապրիլի 22-ին, ժամը 23-ի սահմաններում, «Օպել Աստրա Ջի» ավտոմեքենան հայտնաբերվել է Նորամարգ գյուղի 17-րդ փողոցի վերջնամասում՝ անվնաս վիճակում:

Oպերատիվ-փնտրողական հետագա աշխատանքների շնորհիվ տեղեկություններ են ստացվել, որ Հարություն Ազատյանը, հնարավոր է՝ սպանված լինի Վ. Օ.-ի կողմից:

Կասկածյալը բերման է ենթարկվել ոստիկանության Մասիսի բաժին:

Ստորև ներկայացված տեսանյութում սպանության վայրում կասկածյալը մատնացույց է անում այն տեղը, որտեղ երկաթով սպանել է իր զոհին, այնուհետև դին տեղափոխել զոհին պատկանող ավտոմեքենայի մեջ, տեղափոխել սպանության վայրից և նետել Զանգու գետը։

Կասկածյալը հայտնում է նաև, որ համոզվելու համար, որ զոհը մահացել է, մեկ անգամ էլ Opel-ով անցել է դիակի վրայով։

Կասկածյալը պայմանագրային զինծառայող է, նախկինում մեկ այլ տաքսիստի մարմնական վնասվածք պատճառելու համար Արարատի մարզի առաջին ատյանի դատարանի կողմից դատապարտված է եղել։

Տեսանյութը՝ shamshyan.com-ից.